By Sikaile C Sikaile
AMAKA YAKUSALA INTUNGULUSHI SHA CALO CESU ICA ZAMBIA 🇿🇲 YALI MULI VOTERS CARD
Namiposha bonse mwebekala calo. Icishibisho kubena Zambia 🇿🇲 bonse: Elyo muleyenda mu ncende shapusana pusana sendeni icitupa cenu ica NRC National Registration card nokulembesha pa voters registration station pakuti mwapoka voter’s card atemwa akatupa ka ku salilako. Cinkuleniko nabena mupalamano benu, nefi busa fyenu , na bonse abekala calo, ukuti balembesha ukupoka akatupa Kaku salilako. Kuti mwalembesha kuncende iyili yonse icilangililo ngefi: nga mukala salila ku ncende ya Lusaka central constituency, kuti mwalembesha ukuli konse eko muli nangu niku Namwala,Nyawa, Mpika, Mongu, Kitwe, Nyimba.
Mufwile mwaishibafye kuncende mukasalila pa 12th, August, 2021, nomba ukulembesha kuti mwalembesha ukuli konse. Icilefwaika paku lembesha ni citupa ca NRC .
Iseni tusakamane icalo cesu nokucingilila ubwikalo busuma ubwa bana besu kunshiku shakuntanshi elyo twalembesha uku sala pakuti tukasale bwino uyu mwaka uleisa. Ibukisheni ukucinkulako balupwa benu ne fibusa, ukutila balembeshe pakuti bakwata ishuko lyaku sala intungulushi sha calo cesu uyu mwaka uleisa.
Lesa amipaale bonse beni abekala calo abasakamana icalo cesu ica Zambia 🇿🇲 kaili mube abacimfya uno mulungu na kuntanshi.
Sikaile Sikaile
Intungulushi ya mitekele iyisuma ne nsambu sha cine isha muntunse onse uwaikumika nakuli ba Amnesty International.